اڎھیࣷچی ہا کھاݜ ائیࣷت ائدیࣷوُس بتُم سیࣷنَمم
گُپھیࣷنس ایࣷسُڵ کا بےࣷ ائہاڵچا گَٹُنز سیࣷنَمم

اہُٹیࣷس ڵݩ غرےࣷ یا بیࣷسا پھیࣷتِݩ ایࣷوَڵجایا
ڵفدیࣷک ایُݩگُسےࣷ بم اسےࣷ بم غوࣷٹُم سیࣷنَمم

نےࣷ غا بُٹ اُمبئییࣷ نوࣷخا ہر جغَچِی ڈف دیࣷچامن
نیࣷآس بئیࣷ نےࣷ کا نِیا اہڵتو قݜ بُرُم سیࣷنَمم

دُڵسےࣷ پھوࣷپھس دیࣷڵی پھیࣷچی کا ہن ہس ایࣷن دِیئیࣷ
غانِݩگا اوُشِن دُوا مِیٹا ڎھُرُم سیࣷنَمم

جا کا گوࣷ اُہڵکِݜ کا ہن بوࣷتا گُکھر تھنُم ڎھنا
گُکھر اُن شوہڵت نیࣷتے نےࣷ اڎھنا سُرُݩ سیࣷنَمم

جا نڎھن کٹرکِݜ اُن گُکھر نِچُو تھم ائیࣷتےࣷ
جا کا با یَسیࣷنےࣷ یا ائدام تھُم انُم سیࣷنَمم

ڈِس نیࣷت ایَش ڎےࣷ گُکھر تِڵ اکوࣷڵ اُن گُیا رژُن
مومنؔ کا گوࣷ جُوا بئیࣷ اپئیࣷ کھنڈرُم سیࣷنَمم

مومنؔ رحمت