جا پن دُواۡ جا کھن دُواۡ جا سم بروشسکی

می تھوۡݜکُم ایۡتیۡن مِریۡنے اِݜقم بروشسکی

گو ہݩ کاۡ ، گو ہئیَّن کاۡ، گو غَرِݩ اخوۡش بڎا

بُردی یٹے اُشاسکِݩےۡ با ، ھم بروشسکی

جاۡ ڎھن سِئیَّم با گو اجوۡ برِݩ غوۡٹُم بِڎا

گو تھوݜ بتھنےۡ بو زلی غرِݩ غوۡٹُم بِڎا

جاۡ تھوۡ ݜکُم دُکُڎ گوۡتاۡ سُرِاۡنَئیاۡ تہڵ اُن

اُن گوغریۡن کاۡ جاۡ نُکِرات زم بروشسکی

گو غر دویڵے ہر ہیۡنےۡ اُخاۡچیۡ ڎھیۡڵ دُوا

گو بیرُمن گُیَݜڅ دُواۡ تے جَغاۡ ڵیڵ دُوا

ہر کھین اُڵے ہر سیۡس ہرݩ گُیَٹیۡس تھنُم گو

اشاسکِݩ ہرݩ ہن دُواۡ دُستم بروشسکی

پھئݩ بر یٹاۡ شِرہ ایۡتیۡن کاۡ نیَم مَیُم دُواۡ

ڎھن بر ققم ملْتَش جُوہ ققم مئیُم دُواۡ

اُن ڵیۡڵ گوتیۡن کاۡ ایۡچیۡمیۡن ڵمن ڎےۡ توَہ گو

وے ڵیۡڵ اکوتُم گوۡغہ سِمان خم بروشسکی

جاۡ گو جُوہ بو غرِݩ کِݜ مڅھی امئیَم با

مڅھیْ اپاۡئی تے ، سیۡس ہرݩ شفیعْ امئیَم با

شفیعْ دوۡہوۡپوۡر بتھنےۡ ہر ہیۡنے بیۡہیۡلِݩ

نے باردُم گوۡتیۡ گُسکل گو مرْکھم بروشسکی